बलिउड अभिनेता शाहरुख खान र अभिनेत्री दीपिका पादुकोण अभिनित चलचित्र पठानले बक्स अफिसमा कमाइको रेकर्ड तोड्दै गएको छ ।

पठानले हालसम्म ५ अर्ब ६० करोडभन्दा बढी कमाइ गरिसकेको भारतीय सञ्चारमाध्यमले जनाएका छन् । यो ८ दिनसम्मको कमाइ हो ।

पठान रिलिज भएको २ दिनमै ३ अर्बभन्दा बढी कमाइ गर्ने पहिलो फिल्म बनेको थियो । फिल्मलाई ५ दिन पूरा भएपछि कमाइ घट्दै गएको छ ।

फिल्महलमा पठान हेर्नका लागि टिकट पाउन दर्शकको मारामार हुने गरेको जनाइएको छ ।