मन्त्रिपरिषद्का पूर्वअध्यक्ष खिलराज रेग्मीले आपसी सहमति, सहकार्य र समझदारीबीना देशको निकास, विकास र समृद्धि हासिल हुन नसक्ने बताएका छन् ।

यसतर्फ सबै राजनीतिक नेतृत्व र दलहरू बुद्धिमत्तापूर्वक दूरदृष्टिका साथ गम्भीर हुन आवस्यक रहेको उनले बताए ।

न्युज लाइन नेपालको सातौं वार्षिकोत्सव समारोहलाई  अवसरमा शुक्रबार काठमाडौंमा सम्बोधन गर्दै रेग्मीले अहिलेको संविधानअनुसार एकल बहुमतको सरकार बन्ने सम्भावना कम रहेकाले निकासका लागि दलहरूबीच आपसी सहमति अपरिहार्य रहेको बताएका हुन् ।

‘देशको समग्र परिस्थितिबारे सोच्दा, राजनीति र त्यसको व्यवस्थापनको विषय सदैव अग्रपंक्तिमा आइरहन्छ । वर्तमान संविधानअन्तर्गत दुई वटा आम निर्वाचन भएपश्चातको अवस्थासम्म आइपुग्दा हामी संवैधानिक संरचनाअनुसार एकल बहुमतको सरकार कम सम्भावनाको अवस्था रहने स्थिति देखापरिरहन्छ’, रेग्मीले भने, ‘त्यसैले विभिधतामा एकता भनेजस्तै आपसी सहमति, सहकार्य र समझदारीबीना देशको निकास, विकास र समृद्धि दुरुह हुने अवस्था देखिँदैछ । यसतर्फ सबै राजनीतिक नेतृत्व र दलहरु बुद्धिमत्तापूर्वक दूरदृष्टिका साथ गम्भीर हुन आवस्यक छ ।’

पूर्वअध्यक्ष रेग्मीले समाज परिवर्तन र सभ्य समाज निर्माणमा मिडियाको भूमिका महत्वपूर्ण रहने बताए ।