काठमाडौं, ११ भदौ – नबिल बैंकले गत आर्थिक वर्षको कमाईबाट झण्डै ५० प्रतिशत लाभांश लगानीकर्ताहरुलाई वितरण गर्ने भएको । नबिलले ३० प्रतिशत बोनस सेयर र १८ प्रतिशत नगद लाभाशंको घोषणा गरेको हो ।
बाणिज्य बैंकहरुमा सबैभन्दा धेरै लाभांश कमाएको नबिल सबैभन्दा धेरै लाभांश वितरण गर्ने बैंक बन्ने पनि लगभग पक्का छ ।
नबिलको संचालक समिति बैठकले गरेको यो निर्णय अव स्विकृतिका लागि केन्द्र बैंकमा पुग्ने छ ।
त्यसपछि साधारणसभाबाट पारित भएपछि सर्वसाधारण लगानीकर्ताले नाफा पाउने छ । नबिलले ३ अर्ब ६२ करोड खुद नाफा आर्जन गरेको थियो ।
