०२ साउन २०८३, शनिबार
सातौं संस्करणको विराट गोल्डकप फूटबल प्रतियोगितामा विराटनगर सिटी क्लब फाइनलमा प्रवेश गरेको छ ।
विराटनगरस्थित शहीद रंगशालामा सोमवार राति भएको पहिलो सेमिफाइनल खेलमा विराटनगर सिटीले जावलाखेल युथ क्लबलाई २–१ गोलले पराजित गरेको हो ।
खेलमा ‘म्यान अफ दि म्याच’ विराटनगर सिटीका स्टेफन ब्याङगनल घोषित भई नगद ११ हजार रुपैयाँ प्रदान गरिएको छ । विराटनगर सिटीका प्रशिक्षक सन्तोष न्यौपानले खेलाडीको मेहनतका कारण विजयी हासिल गर्न सफल भएको विचार राखे ।
जावलाखेलका प्रशिक्षक सुनिलकुमार श्रेष्ठले पाएको अवसर खेर फाल्दा हार व्यहोर्नुपरेको बताए ।
गोल्डकपको मंगलवार हुने अन्तिम सेमिफाइनल खेलमा भारत केरलाको लुका सकर क्लब र साविक विजेता विभागीय टीम एपीएफबीच प्रतिस्पर्धा हुनेछ ।
