काठमाडौँ महानगरपालिका र धरान उपमहानगरपालिका प्रमुखबीच आज (मंगरबार) भेटघाट भएको छ। 

काठमाडौँ महानगर प्रमुख शाहसँगको भेटपछि सामाजिक सञ्जालमा तस्वीर सेयर गर्दै धरानका मेयर हर्क साम्पाङले आफूहरूबीच पहिलो पटक भेट भएको र रमाइलो कुराकानी भएको लेखेका छन्। 

लामो समयसम्म यी २ मेयरबीच सामाजिक सञ्जालमा छेडखानी चलेको थियो। धरानका मेयर साम्पाङ गत वर्ष काठमाडौं आएर यहाँको अवस्था देखेपछि मेयर बालेनप्रति कटाक्षमा उत्रिएका थिए। जतिबेला काठमाडौँको फोहोर व्यवस्थापन हुन सकेको थिएन। 

काठमाडौंका मेयर शाहले पनि सामाजिक सञ्जालमार्फत साम्पाङसँगको तस्वीर सेयर गर्दै लेखेका छन्- सिलाम साक्माले मृत्युको बाटो छेकेझैँ नेपालमा विकाशको बाटो कसैले छेक्न नसकोस् ।

२ मेयरबीचको भेटबीच विकास निर्माणका विषयमा कुराकानी भएको बुझिएको छ।