भारतको उत्तर प्रदेशमा अनौठो घटना सार्वजनिक भएको छ । 

उन्नाव नामक स्थानमा एक महिलालाई सर्पले टोक्यो । त्यसपछि उनका पति उनलाई अस्पताल लग्नुको साटो सर्पलाई नै लिएर अस्पताल गए । 

नरेन्द्र नामक ती पतिले बोरामा सर्प राखेर अस्पताल लगेका थिए । 

सर्पले टोकेपछि पत्नी चिच्याएर बेहोश भएकी थिइन् । त्यसपछि महिलालाई हतारहतार अस्पताल लगियो । अनि पतिलाई घटनाको जानकारी दिइयो । 

पतिले जानकारी पाएपछि पनि पत्नीलाई भेट्नै गएनन् । बरू घर गएर उनले सर्प समाते अनि त्यसैलाई लिएर अस्पताल गए । 

सर्प लिएर आएको नरेन्द्रलाई देखेर अस्पतालका मानिसहरू छक्क परे अनि किन ल्याएको भनी सोधे । 

क्न सर्पले टोकेको भन्ने आधारमा पत्नीको उपचार गर्न सकिएला भनी सर्प लिएर आएको ती व्यक्तिले बताए । 

अहिले महिला खतरामुक्त छिन् ।