सर्वोच्च अदालतले नागरिकता विधेयक तत्काल अघि नबढाउन अल्पकालीन अन्तरिम आदेश जारी गरेको छ ।

सर्वोच्चका न्यायाधीश डा. मनोजकुमार शर्माको एकल इजलासले विधेयकलाई तत्काल यथास्थनमा राख्न अल्पकालीन अन्तरिम आदेश दिएको हो ।

साथै, सर्वोच्चले दुवै पक्षलाई छलफलका लागि बोलाएको छ।

गत संसदले पासगरी मन्त्रिपरिषदको सिफरिसमा हालै राष्ट्रपति रामचन्द्र पौडेलले जेठ १७ गते विधेयक प्रमाणीकरण गरेका थिए । 

संसदमा पेश नै नगरी मन्त्रिपरिषद्को सिफारिसमा राष्ट्रपतिले विधेयक प्रमाणीकरण गरेको भन्दै त्यसविरुद्ध वरिष्ठ अधिवक्ता सुरेन्द्र भण्डारीसहितले सर्वोच्चमा रिट दायर गरेका थिए ।