२९ असार २०८३, सोमबार
अख्तियार दुरुपयोग अनुसन्धान आयोगले महोत्तरीको सम्झी गाउँपालिकाका लेखापाल रौशनकुमार राउत र कार्यालय सहयोगी घरीन यादवलाई पक्राउ गरेको छ ।
उनीहरू दुवैजनालाई एक लाख २५ हजार रुपैयाँ घुस लिइरहेको अवस्थामा आयोगको कार्यालय बर्दिवासबाट खटिएको टोलीले नियन्त्रणमा लिएको हो ।
कोभिड–१९ सम्बन्धी जनचेतनामूलक कार्यक्रमको भुक्तानी गर्ने क्रममा घुस रकम लिएको अख्तियारको दाबी छ । उनीहरूलाई लेखापालको कार्यालयबाट नियन्त्रणमा लिई थप अनुसन्धान भइरहेको आयोगका प्रवक्ता भोला दाहालले जानकारी दिए ।
