उपप्रधान तथा गृहमन्त्री नारायणकाजी श्रेष्ठले धनी र गरीब, सम्पन्न र विपन्नलाई छुट्टाछुट्टै कानून हुन नसक्ने बताएका छन् ।

आइतवार राति सामाजिक सञ्जाल फेसबूकमा लेख्दै मन्त्री श्रेष्ठले दोषी र अपराधीलाई छुट नहुने बताए ।

उनले लेखेका छन्, ‘कानून मिच्दै देश र जनताको हितविरुद्ध आफ्नो व्यक्तिगत फाइदाका लागि कीर्ते, ठगी, भ्रष्टाचार, संगठित अपराध र राज्यद्रोहमा संलग्नबाहेक निर्दोष कोही तर्सिनु पर्दैन । दोषी र अपराधीलाई भने छुट हुने छैन । अनि धनी र गरीब, सम्पन्न र विपन्नलाई छुट्टाछुट्टै कानून हुन सक्दैन । त्यस्तो अपेक्षा नगरौं ।’