३० असार २०८३, मंगलबार
गीतकार तथा साहित्यकार दिलीप योञ्जन तामा«द्वारा रचना गरिएका गीतहरूको नयाँ गीति संग्रह ‘आमा मेरी आमा’ विमोचन गरिएको छ ।
बुधवार आयोजिक एक सांगीतिक समारोहाम गीतकार कृष्णहरी बराल, साहित्यकार डा. रेनुका सोलु, शुभ मुकारुङ, विश्व वल्लभ, गीतकार तथा गजलकार शितल कादम्बीनी, संगीतकार राजेश थापा लगायतले संग्रह विमोचन गरेका हुन् ।
संग्रहमा गीतकार योञ्जनले आफ्नी स्वर्गीय माता पासाङ डोल्मी तामाङप्रति समर्पित भएर रचना गरेका ७ वटा गीतहरू समावेश छन् । संग्रहका गीतमा मातृ स्नेह, जीवन भोगाइ, अध्यात्म दर्शन तथा जागरण भावलाई समेटिएको छ ।
साहित्यकार डा. रेनुका सोलुले विमोचित एल्बमको समीक्षा गर्दै गीतकार योञ्जनले नेपाली साहित्य तथा गीत लेखनको क्षेत्र साथै समाजसेवाको क्षेत्रमा पुर्याएको योगदान अमूल्य रहेको बताइन् । सोलुले आमालाई श्रद्धाञ्जलि स्वरूप समर्पण गरिएको गीतमा मातृभूमि र आमाको कर्मबाट आफू सफल भएको कुरालाई गीतमा समेटिएको बताइन् ।
गीतकार कृष्णहरी बरालले गीतकार योञ्जनले नेपाली गीत संगीत र साहित्यका विविध विधामा पुर्याएको योगदानलाई आमनागरिकले भुल्न नहुने बताए ।
एल्बममा गीतमा राजेश थापा र डिबी लामाको संगीत छ भने सुरेश लामा, प्रविण बेडवाल, श्रेयसी चेम्जोङ, शुभ तामाङ, सुनिता लो, सुमिना लो तथा अन्जु लामाको स्वर रहेका छन् ।
कार्यक्रममा बोल्दै संगीतकार राजेश थापाले दिलीप योञ्जन आफैंमा सशक्त गीतकार रहेको दाबी गरे । मौलिक सिंर्जना र नेपाली माटोप्रतिको प्रगाढ स्नेह उनको गीतमा भेट्न सकिने दाबी गरे ।
गीतकार संघ नेपालद्वारा आयोजित समारोहमा संघका अध्यक्ष बसन्त वित्यासी थापाले गीतकार योञ्जनद्वारा रचित गीतिसंग्रह विमोचन गर्न पाउँदा आफूहरूलाई निकै खुशी लागेको बताए ।
योञ्जनका हालसम्म आगमन, अविरल, अमर, मान्छेको भीडमा, आस्था खोजिरहेको छु, अनुराग गरी ६ वटा गीति संग्रह बजारमा आएका छन् ।
