२२ असार २०८३, सोमबार
प्रतिनिधिसभा अन्तर्गतको राज्य व्यवस्था तथा सुशासन समितिको नवनिर्वाचित सभापतिमा रामहरि खतिवडाले सुनकाण्ड लगायतका सबै विषयमा छलफल गर्ने बताएका छन् । सोमवार सिंहदरबारमा बसेको बैठकमा सभापति निर्वाचित भएपछि खतिवडाले सुन काण्डबारे समितिले छानविन गर्ने बताएका हुन् । प्रधानमन्त्री तथा मन्त्रिपरिषद्को कार्यालय, गृह मन्त्रालयलगायत समितिको कार्यक्षेत्र पर्दछ ।
‘सुनकाण्ड लगायतका सबै विषयमा छलफल हुन्छ, यस विषयमा मेरो भूमिका सकारात्मक हुन्छ,’ सभापति निर्वाचित भएपछि खतिवडाले भने ।
नवनिर्वाचित सभापति खतिवडाले राज्य व्यवस्था तथा सुशासन समिति संवेदनशील समिति पनि भएकाले आफूहरूले सोही अनुसारको कार्ययोजना बनाएर अघिबढ्ने समेत बताए ।
राज्य व्यवस्था सहिति प्रतिनिधिसभाका १० वटै समितिले आज सभापति पाएका छन् ।
