काठमाडौंबाट जनकपुरका लागि उडेको बुद्ध एयरको जहाजमा समस्या आउँदा बीचबाटोबाटै फर्काइएको छ ।

बिहान ९ बजे काठमाडौंबाट जनकपुर उडेको बुद्ध एयरको एटीआर जहाजको अटो पाइलटिङमा समस्या आएपछि काठमाडौं फर्किएको त्रिभुवन अन्तर्राष्ट्रिय विमानस्थलका प्रवक्ता सुवास झाले जानकारी दिए ।

उनका अनुसार उक्त जहाजका यात्रुलाई बुद्ध एयरले अर्को जहाजमा राखेर पुनः गन्तव्यतर्फ पठाइसकेको छ । समस्या देखिएको जहाजको निरीक्षण भइरहेको छ । 

बुद्ध एयरको सो जहाजमा सिराहाको सर्रे अम्बासमा बुधवार बस्ने पार्टी सचिवालय बैठकमा सहभागी हुन एमाले पदाधिकारीहरू समेत सवार थिए ।