०३ असार २०८३, बुधबार
काठमाडौंको न्युरोडमा जात्रा हेर्न गएका व्यक्तिलाई खुकुरी प्रहार गर्ने व्यक्ति पक्राउ परेका छन् । पक्राउ पर्नेमा गोदावरी नगरपालिका ५ घर भइ पाटनढोका बस्ने १९ वर्षीय अरविन्द्र ठकुरी रहेका छन् ।
यस साेही घटनामा संलग्न रहेको आरोपमा काठमाडौं प्रहरी परिसरले २ जनालाई पक्राउ गरेको थियो । तर प्रहरीले उनीहरूको संलग्नताबारे केही बताएको छैन ।
सानो पशुपतिमा जात्रा हेर्न गएका ओखलढुंगाको लिखु गाउँपालिका–४ का सनी कार्कीको सोमवार हत्या भएको हो ।
काठमाडौं प्रहरी परिसरका एसपी कुमुद ढुंगेलका अनुसार धारिलो हतियार प्रहारबाट घाइते भएका उनको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचारको क्रममा मृत्यु भएको थियो ।
