२२ असार २०८३, सोमबार
दोलखामा जीप दुर्घटना हुँदा दुई जनाको मृत्यु भएको छ । जिल्लाको बिगु गाउँपालिका–२ टुकुखोला बा १४ च ८९३४ नम्बरको जीप गएराति दुर्घटना भएको प्रहरीले जनाएको छ ।
दुर्घटनामा बिगु–२ कै २० वर्षीया चिनीमाया तामाङ र २२ कि बालमायी तामाङको मृत्यु भएको जिल्ला प्रहरी कार्यालय दोलखाले जनाएको छ।
दुर्घटनामा पाँच जना घाइते भएको जिल्ला प्रहरी कार्यालय दोलखाका प्रवक्ता इन्स्पेक्टर धर्मेशकुमार यादवले जानकारी दिए । उनका अनुसार घाइतेहरूको अवस्था मध्यम रहेको छ । उनीहरूको काठमाडौंस्थित ट्रमा सेन्टरमा उपचार भइरहेको छ ।
एक जना भने सामान्य उपचारपछि डिस्चार्ज भएका छन् । अप्ठ्यारो सडकमा तीव्र गतिका कारण अनियन्त्रित भई जीप पल्टिएको उनले बताए ।
