२२ असार २०८३, सोमबार
पाल्पामा ट्र्याक्टर दुर्घटनामा हुँदा एक जनाको ज्यान गएको छ । दुर्घटनामा पूर्वखोला गाउँपालिका-५ कर्नेडाँडाका ट्र्याक्टर चालक ४० वर्षीय चन्द्रबहादुर कामूको ज्यान गएको जिल्ला प्रहरी कार्यालय पाल्पाले जनाएको छ ।
दुर्घटनामा घाइते भएका उनको उपचारको क्रममा ज्यान गएको हो ।
कर्नेडाँडाबाट पोखरीछापतर्फ जाँदै गरेको लु ४ त ६५५३ नम्बरको खाली ट्र्याक्टर शुक्रबार दिउँसो अनियन्त्रित दुर्घटना भएको कार्यालयका प्रवक्ता प्रहरी निरीक्षक सन्तोष चन्दले जानकारी दिए ।
दुर्घटनाबारे थप अनुसन्धान भइरहेको उनको भनाइ छ ।
