संघीय मामिला तथा सामान्य प्रशासन मन्त्रालयका अधिकांश कर्मचारीहरूले तोकिएको पोशाक नलगाइ कार्यालय जाने गरेको पाइएको छ ।

राष्ट्रिय सतर्कता केन्द्रले यही माघ ११ गते गरेको छड्के अनुगमनमा संघीयका १८ जना कर्मचारी तोकिएको पोशाक नलगाइ कार्यालय पुगेका थिए । यसरी तोकिएको पोशाक नलगाइ कार्यालय पुग्नेमा सहसचिवदेखि कार्यालय सहयोगीसम्म रहेका केन्द्रले जनाएको छ ।

केन्द्रका अनुसार सहसचिव उमेशकुमार ढकाल, ५ जना उपसचिवहरू रेशम कँडेल, राकेश पाण्डे, दशरथराम ओड, रामुराज कडरीया र आरती न्यौपाने तोकिएको पोशाक नलगाएर मन्त्रालय पुगेका थिए ।

शाखा अधिकृतहरू चिरन्जीवी नेपाल सुदिप सापकोटा, नायब सुब्बाहरू गणेश घिमिरे, महाप्रसाद गुरागाई, रिमा महर्जन, सुनिल महर्जन, कृष्ण कँडेल, उषा महर्जन पनि तोकिएको पोशाक नलगाई मन्त्रालय पुगेका थिए ।

हेर्नुहोस् सूची