नेकपा कम्युनिष्ट पार्टीले राप्रपाका नेता ज्ञानेन्द्र शाहीलाई आफ्नो अभिव्यक्ति फिर्ता लिएर माफी माग्न चेतावनी दिएको छ । पार्टीका प्रवक्ता खड्गबहादुर विश्वकर्मा प्रकाण्डले विज्ञप्ति जारी गर्दै शाहीलाई नेकपा महासचिव विप्लवविरुद्ध दिएको अभिव्यक्ति फिर्ता लिएर माफी माग्न चेतावनी दिएका हुन् । 

शाहीले शनिबार काठमाडौंमा आयोजित एक कार्यक्रममा 'पक्राउ पुर्जी जारी भएका विप्लवलाई पक्राउ नगरिएको' भन्दै आपत्ति जनाएका थिए । 

शाहीको अभिव्यक्तिले ३ बुँदे सहमति भङ्ग गर्ने, अराजकता मच्चाउने, देशलाई द्वन्द्वतिर धकेल्ने नेकपाको ठहर छ । 

अभिव्यक्ति फिर्ता लिएर माफी नमागे त्यसबाट निस्कने गम्भीर परिणामको जिम्मेवार स्वयं शाही नै हुने नेकपाले चेतावनी दिएको छ ।