उज्वेकिस्तानमाथि जीत निकाल्दै आयोजक कतार एसियन कप फूटबल प्रतियोगिताको सेमिफाइनलमा प्रवेश गरेको छ ।

गोलरक्षक मिशाल बार्शामले पेनाल्टी शूटआउटमा ३ वटा बचाउ गरेपछि शनिवार साविक विजेता सेमिफाइनलमा पुग्ने अन्तिम टोली बनेको हो ।

यसअघि शनिवार नै सर्वाधिक ४ पटकको जापानलाई हराउँदै इरान सेमिफाइनलमा पुगेको थियो ।

यसअघि शुक्रवार ताजकिस्तानलाई हराएर जोर्डन र अष्ट्रेलियामाथि जीत निकाल्दै दक्षिण कोरिया सेमिफाइनलमा पुगिसकेका थिए । यससँगै जारी एसियन कमपको अन्तिम १६ समीकरण पूरा भएको हो ।

शनिवार राति बार्शामको उत्कृष्ट प्रदर्शनमा उज्वेकिस्तानमाथि टाइब्रेकरमा ३–२ को जीत निकाल्दै कतार अन्तिम चारमा पुगेको हो ।

निर्धारित र अतिरिक्त समय १–१ को बराबरीमा सकिएपछि खेल पेनाल्टी शूटआउटमा पुगेको थियो । टाइब्रेकरमा बार्शामले उज्वेकिस्तानका अशुरमाटोभ अब्दिराहमाटोभ र माशारिपोभको पेनाल्टी रोक्न सफल भएका थिए ।

कतारका अल्मोएज अलीको पेनाल्टी पनि बचाउ भएको थियो भने अल्माहदी अल मुख्तरले पोस्टको माथि प्रहार गरेका थिए ।

त्यसअघि निर्धारित समयको २७औं उत्किर युसुपोभको आत्मघाती गोलको मद्दतमा कतारले खेलमा शुरूवाती अग्रता लिएको थियो । उज्वेकिस्तानका लागि ५९औं मिनेटमा ओदिलजोन खाम्रोबेकोभले बराबरी गोल गरेका थिए ।

आयोजक कतारले अब फाइनल प्रवेशका लागि इरानसँग प्रतिस्पर्धा गर्नेछ । यो खेल दोहास्थिल लुसाइल रंगशालामा फेब्रुअरी ७ मा हुनेछ । यसअघि फेब्रुअरी ६ मा अर्को सेमिफाइनल हुनेछ । जहाँ जोर्डन र दक्षिण कोरिया प्रतिस्पर्धा गर्नेछन् ।

यी २ खेलका विजेताले फेब्रुअरी १० मा उपाधि भिडन्त गर्नेछन् ।

एसियन कप: उपाधि दाबेदार मानिएको जापानलाई हराउँदै इरान सेमिफाइनलमा