अवैध रूपमा भारत प्रवेश गर्न खोजेको आरोपमा दुई चिनियाँ नागरिक पक्राउ परेका छन् । नेपाल हुँदै सिद्धार्थनगर–काकरहवा क्षेत्रबाट उत्तर प्रदेश प्रवेश गर्न लागेका उनीहरूलाई भारतीय सुरक्षाकर्मीले मंगलबार नियन्त्रणमा लिएको भारतीय सञ्चार माध्यमहरूले जनाएका छन् । 

समाचारमा जनाइएअनुसार पक्राउ पर्नेमा सिचुआनका झोउ पुलिन र ह्वाङजिनबावाकी युआन युहान छन् । भारतको सिद्धार्थनगर जिल्लाको नेपाल–भारत सीमा नजिकबाट एसएसबी र प्रहरीको संयुक्त टोलीले उनीहरूलाई पक्राउ गरेको हो । 

उनीहरूरुको साथबाट दुईवटा चिनियाँ राहदानी, एउटा नेपाली पर्यटक भिसा र दुईवटा मोबाइल, दुईवटा नेपाली र दुईवटा चाइनिज सिम, दुईवटा साना झोलामा रहेका विभिन्न किसिमका नौ थान कार्ड बरामद गरिएको भारतीय समाचार संस्था एएनआईले जनाएको छ ।