नेकपा एमालेकी सांसद सूर्यकुमारी श्रेष्ठले कोदो र चामलबाट बन्ने तीनपाने रक्सीलाई ‘ब्राण्डिङ’ गरेर विदेश निर्यात गर्न प्रस्ताव गरेकी छिन् । तीनपानेलाई विदेश सप्लाई गर्न सके देशको आर्थिक अवस्था र जनजातिको जीवनस्तर माथि उठ्ने उनले बताइन् । 

बिहीवार बसेको प्रतिनिधि सभा बैठकको शून्य समयमा सांसद श्रेष्ठले कोदो खेतीका लागि चैते धानजस्तो देशभर कोदो उत्पादनमा जोड दिन माग गरेकी हुन् । 

‘जनजातिको सीपले बनाइने कोदो र चामलको तीनपाने अर्ग्यानिक रक्सीलाई ब्राण्डिङ गरेर बोतलमा विदेश सप्लाइ गरौं, देशको आर्थिक अवस्था पनि सुध्रिन्छ, जनजातिको जीवनस्तर पनि उठ्छ,’ सांसद श्रेष्ठले भनिन् ।

नेकपा माओवादी केन्द्रका सूर्यमान दोङ तामाङले पनि तीनपाने रक्सीलाई ब्राण्डिङ गर्ने कुराको समर्थन गरे ।