२१ असार २०८३, आइतबार
काठमाडौं उपत्यकामा अविरल वर्षासँगै आएको पहिरोमा परी एक जनाको मृत्यु भएको छ ।
शनिवार बिहान नागार्जुन नगरपालिका ३ स्थित सिङ्गल ट्रीनजिकै गएको पहिरोमा पुरिएर एक जनाको मृत्यु भएको काठमाडौं उपत्यका प्रहरी कार्यालय, रानीपोखरीका प्रवक्ता प्रहरी वरिष्ठ उपरीक्षक दिनेशराज मैनालीले जानकारी दिए ।
पहिरो आएर ट्रपिकल रेस्टुरेन्टको किचनको कोठा पुरिँदा गोरखा लखन थापा गाउँपालिका ६ घर भई हाल सोही रष्टुरेन्टमा किचन हेल्परको रूपमा काम गर्ने २२ वर्षीय मनोज बिक घाइते भएका थिए ।
तत्कालै उनलाई स्वयम्भूस्थित मनमोहन मेमोरियल अस्पतालमा उपचारका लागि लगिएको थियो । अवस्था गम्भीर रहेका उनको उपचारका क्रममा मृत्यु भएको प्रवक्ता मैनालीले जानकारी दिए ।
