युरोपको सर्वाधिक प्रदुषित शहरमध्ये लण्डनमा अधिक प्रदुषण हुने वाहन (गाडी) चलाउने ड्राइभरले प्रत्येक दिन अतिरिक्त कर तिर्नुपर्नेछ । गुणस्तरीयतालाई सुधार गर्ने उद्देश्यले यस्तो खालको नियम लागु गरिएको हो ।
लण्डनका मेयर सादिक खानले फेब्रुअरीमा १० पाउन्ड तिर्नुपर्ने घोषणा गरेका थिए । युरोपीय संघले वायु प्रदुषणलाई कटौती गर्न भनेको थियो ।
साखिक खानले एक भनाइमा मेयर हुनुको नाताले लन्डनमा विषालु हावालाई सफा गर्न मद्दत गर्न तत्कालै कारवाही गर्ने प्रतिवद्धता गरेको बताए ।
अतिरिक्त चार्ज पर्यावरण अनुकूल यूरो ४ उत्सर्जन आउनुभन्दा पहिले नै पंजीकृत हुने सबै पेट्रोल र डिजेल लाग्ने गाडीमा लागू हुनेछ । लन्डनमा जनस्वास्थ्यको लाजमर्दो हालत भएको छ । वायु प्रदुषणले गर्दा हजारौं व्यक्तिको समयभन्दा पहिले मृत्यु भइरहेको छ ।
ईयुका अनुसार वातावरणमा नाइट्रोजन डाइअक्साइडको स्तर धेरै उच्च हुनाले २०१३ मा युरोपमा ७० हजार व्यक्तिको समयभन्दा पहिले नै मृत्यु भएको थियो ।
