०३ असार २०८३, बुधबार
काठमाडौंको बल्खुस्थित पुलमुनि भेटिएको शव बाढीले बगाएर मृत्यु भएका व्यक्तिको भएको पुष्टि भएको छ ।
नदी किनारमा अड्किएको अवस्थामा भेटिएका सरुप महतोको बाढीले बगाएका कारण मृत्यु भएको पुष्टि भएको उपत्यका प्रहरी कार्यालयका प्रवक्ता प्रहरी वरिष्ठ उपरीक्षक दिनेशराज मैनालीले लोकान्तरलाई जानकारी दिए ।
यसअघि उनको मृत्यु बाढीले बगाएरै भएको आशंका गरिए पनि पुष्टि हुन सकेको थिएन ।
बाँके घर भई सुकुम्बासी बस्तीमा बस्ने ४५ वर्षीय महतोको शव बुधवार बिहान फेला परेको थियो ।
लगत्तै उनका आफन्त सम्पर्कमा आएको प्रहरीले जनाएको छ ।
मंगलवार रातिदेखि परेको अविरल वर्षाका कारण उपत्यकाका नदीहरूमा बाढी आएको थियो ।
बल्खु तरकारी बजार, कुलेश्वर, बाफल, त्रिपुरेश्वर करिडोर, धोबीखोला करिडोर, कीर्तिपुर लगायतका क्षेत्रबाट प्रहरीले डुबानमा परेका थिए ।
