काठमाडौंको वनस्थलीस्थित अन्नपूर्ण चौकमा एउटा मोटरसाइकल नालीमा खस्दा चालक बेपत्ता भएका छन् ।

शुक्रबार साँझ सवा ६ बजे बागमती प्रदेश ०२–०१८ प २९७३ नम्बरको मोटरसाइकल र चालकलाई ढलले बगाएको हो । 

 प्रहरीका अनुसार खोलाले बगाएको मोटरसाइकल निकालिए पनि चालक भने भेटिएका छैनन् । 

‘मोटरसाइकललाई नालीबाट निकालिएको छ,’ जिल्ला प्रहरी परिसर काठमाडौंका प्रवक्ता एसपी नवराज अधिकारीले भने, ‘बेपत्ता चालकको खोजीकार्य भइरहेको छ ।’