३१ असार २०८३, बुधबार
फिफा विश्वकपको दक्षिण अमेरिकी छनोटमा ब्राजिलले जीत दर्ता गर्दा अर्जेन्टिना रोकिन पुगेको छ ।
शुक्रबार भएको खेलमा ब्राजिलले चिलीलाई २-१ गोल अन्तरले पराजित गरेको हो ।
विश्वविजेता अर्जेन्टिना भने भेनेजुएलासँग १-१ गोलको बराबरीमा रोकिन पुगेको छ ।
छनोटमा आधा अर्थात ९ खेल खेल्दा अर्जेन्टिनाले ६ खेल जितेको छ ।
उसले १ खेलमा बराबरी नतिजा निकाल्दा २ खेलमा पराजय बेहोरेको छ ।
९ खेलबाट अर्जेन्टिना १९ अंकसहित पहिलो स्थानमा छ ।
कोलम्बियाको ९ खेलबाट १६, उरुग्वेले ८ खेलबाट १५ अंक बटुलेको छ ।
९ खेलबाट १३ अंक बटुलेको ब्राजिल अंक तालिकामा चौथो स्थानमा उक्लिएको छ ।
९ खेल खेलेका इक्वडेर र बोलिभियाको पनि १२-१२ अंक छ ।
शुक्रबार नै इक्वडेर र पाराग्वेले गोलरहित बराबरी खेलेका थिए ।
बोलिभियाले कोलम्बियालाई १-० गोलले पराजित गरेको थियो ।
