०२ साउन २०८३, शनिबार
आईसीसी महिला टी–२० विश्वकपको फाइनलमा न्युजिल्याण्डले आफ्नो स्थान पक्का गरेको छ । यूएईको शारजाहमा भएको खेलमा न्युजिल्याण्ड वेस्ट इन्डिजलाई ८ रनले पराजित गर्दै फाइनलमा प्रवेश गरेको हो ।
वेस्ट इन्डिजकी डिएन्ड्रा डोटिनको चार विकेट लिँदै २२ रनको प्रदर्शनले न्युजिल्याण्डको ब्याटिङलाई निरन्तर दबाबमा राखेको थियो । जर्जिया प्लिमरले ३३ रनको सर्वाधिक योगदान दिएर न्युजिल्याण्डलाई १२८ रनको सम्मानजनक स्कोरसम्म पुर्याइन् ।
जवाफमा वेस्ट इन्डिजको सुरुवात खराब रह्यो। इडेन कार्सनले शीर्ष क्रमलाई ध्वस्त पारेपछि अन्त्यतिर डिएन्ड्रा डोटिनले आक्रामक पारामा ३३ रन बनाएर वेस्ट इन्डिजलाई जितको आशा देखाइन् ।
तर, न्युजिल्याण्डले दबाबमा राम्रो खेलेर आफ्नो जित सुनिश्चित गर्यो। अब फाइनलमा न्युजिल्याण्डले दक्षिण अफ्रिकाको सामना गर्नेछ ।
