२१ जेठ २०८३, बिहीबार
कबाड व्यवसायी समाजले निर्वाध रूपमा पेसा व्यवसाय सञ्चालनको वातावरण बनाउन आग्रह गरेको छ ।
समाजका अध्यक्ष रामकेवल गुप्ताले आज विज्ञप्ति जारी गर्दै काठमाडौं महानगरपालिकाले कबाड व्यवसायीमाथि गरिरहेको व्यवहार तत्काल सच्याउन माग गरेका छन् ।
महानगरले कबाड व्यवसायीलाई दुःख दिने, तोडफोड गर्ने, आज पनि अनामनगर, विशालनगर, बानेश्वर र सेतो पुल क्षेत्रका कबाडमा तोडफोड गरिएको समाजले आरोप लगाएको छ ।
'कबाड व्यवसायीका सामान जफत गरेर अभद्र व्यवहार गरिएको छ । यस प्रकारको ज्यादती तत्काल रोकी सहज ढङ्गले पेसा व्यवसाय सञ्चालन गर्न दिन हुन सरोकारवाला सबैलाई अनुरोध गर्न चाहन्छौं’, विज्ञप्तिमा भनिएको छ ।
