२९ असार २०८३, सोमबार
जनकपुरमा जारी जय ट्रफी क्रिकेट प्रतियोगितामा मधेश प्रदेशका युवा ब्याटर मयान यादवले शतकीय पारी खेलेका छन् ।
प्रतियोगिताअन्तर्गत आफ्नो दोस्रो इनिङ्समा यादवले १०२ बलमा १२ चौका र २ छक्काको मद्दतले सय रनको आंकडा पार गरेका हुन् ।
पहिलो इनिङ्समा बागमती प्रदेशसँग ४८ रनले पछाडि परेको मधेश मयानको शानदार पारीको मद्दतले अग्रता बढाउन सफल भएको छ ।
मयान १०८ बलमा १०६ रन जोडेर आउट भएका छन् ।
यो समाचार तयार पार्दासम्म मधेशले ६ विकेट गुमाएको छ र बागमतीभन्दा १३४ रनले अगाडि छ ।
