बढ्दो मोटोपन दरविरुद्ध लड्न दक्षिण एसियाका देश एकजुट भएका छन् ।

दक्षिण एसियाली मोटोपना फोरम (South Asian Obesity Forum)की अध्यक्ष डा. दीना श्रेष्ठद्वारा आयोजित क्षेत्रीय सम्मेलनमा मोटोपन व्यवस्थापनका अनौठा पक्षहरूमा छलफल गर्न १० भन्दा बढी देशका संकायहरू व्यक्तिगत रूपमा सहभागी भएका थिए।

२२ फेब्रुअरी २०२५ मा सम्पन्न कार्यक्रममा २०० भन्दा बढी सहभागीहरूले पौष्टिक खाना, पोषण सेवा र सकारात्मक पोषण अभ्यासहरूमा पहुँच बढाउने नीति तथा कार्यक्रमको समीक्षा गरेका थिए।

दक्षिण एसियाली मोटोपना फोरम ‘युनायटेड अगेन्स्ट ओबेसिटी’ भन्ने ट्यागलाइनसहित अफगानिस्तान, श्रीलंका, पाकिस्तान, माल्दिभ्स, मौरिसस, नेपाल, बंगलादेश र भारतका विज्ञहरूको एक समूह हो।

यसको उद्देश्य शिक्षा, अनुसन्धान र वकालतमार्फत मोटोपन महामारीका चुनौतीहरूलाई सम्बोधन गर्नु हो।

फोरम २०२४ को अगस्टमा श्रीलंका कलेज अफ एन्डोक्राइनोलोजिस्टको वार्षिक कांग्रेसमा स्थापना भएको थियो। यसले तीन संस्करणको ‘एसियन जर्नल अफ ओबेसिटी’ प्रकाशित गरिसकेको छ।

दक्षिण एसिया कुपोषण र मोटोपनको दोहोरो संकटबाट प्रभावित छ, जसले जनस्वास्थ्य र आर्थिक विकासमा गम्भीर असर पारिरहेको छ। सम्मेलनले सह-रोगहरूबारे छलफल गर्दै नेतृत्व, संस्थागत क्षमता निर्माण र बहु-क्षेत्रीय दृष्टिकोणको आवश्यकतामा जोड दिएको थियो।

उद्घाटन सत्र दक्षिण एसियाली मोटोपना फोरमका उपाध्यक्ष डा. संजय कालरको नेतृत्वमा प्रेस विज्ञप्ति तथा प्रधान सम्पादक डा. नितिन कपूरद्वारा ‘एसियन जर्नल अफ ओबेसिटी’को नयाँ अंक विमोचनसँगै शुरू भएको थियो।

सम्मेलन ज्ञान आदानप्रदान, साझेदारी निर्माण र ठोस कार्य योजनाहरू विकास गर्ने प्लेटफर्म बनेको थियो। सहभागीहरू मोटोपन हेरचाह सुधार गर्ने साझा प्रतिबद्धतासहित बाहिरिएका थिए।