२२ असार २०८३, सोमबार
नेपाली कांग्रेसका सांसद रामहरि खतिवडाले अमेरिकाले दिएको सहयोग दुरुपयोग गर्नेको नाम सार्वजनिक गर्न माग गरेका छन् । अमेरिकी सहयोग दुरुपयोग भएको भनेर नेपालको बदनाम गर्ने काम भएको भन्दै उनले श्वेतपत्र सार्वजनिक गर्न माग गरेका हुन् ।
बिहीवार बसेको प्रतिनिधि सभा बैठकको आकस्मिक समयमा खतिवडाले अमेरिकाले दिएको रकम दुरूपयोग गर्नेको नाम सार्वजनिक गर्न माग गरे ।
‘अमेरिकाले दिएको सहयोग दुरुपयोग भयो भनेर बारम्बार चर्चा परिचर्चा भएको छ, कति नेपालमा आएको हो ? क–कसले दुरूपयोग गरे श्वेतपत्र जारी गरियोस् । सारा नेपाललाई बदनाम गर्ने काम भएकोले सरकारले श्वेतपत्र जारी गरोस्’ खतिवडाले भने ।
अवैध रूपमा बसेको भनेर अमेरिकाबाट फर्काइएकालाई अमानवीय व्यवहार बन्द गर्नसमेत सरकारको ध्यानाकर्षण गराए ।
