१६ असार २०८३, मंगलबार
काभ्रेमा करेन्ट लागेर १ जनाको मृत्यु भएको छ ।
मृत्यु हुनेमा सर्लाहीको लालबन्दीका अन्दाजी २८ वर्षीय उपेश परियार रहेका छन् ।
शनिबार बिहान ११:३० बजेको समयमा धुलिखेल नगरपालिका ७ सञ्जीवनी चोकस्थितमा ११ हजार भोल्टको हाइटेन्सन लाइनमा बिजुलीको पोलमा चढेर काम गरिरहेको अवस्थामा उनलाई करेन्ट लागेको प्रहरीले जनाएको छ ।
घटनाको सूचनापछि जिल्ला प्रहरी कार्यालय काभ्रेबाट प्रहरी निरीक्षक हरेराम नेपालको कमान्डमा २५ जनाको टोली खटिएको थियो।
उनको शव पोलबाट झिकेर पोस्टमार्टमका लागि धुलिखेल अस्पताल पठाएको छ ।
थप अनुसन्धान भइरहेको प्रहरीले जनाएको छ ।
