३० जेठ २०८३, शनिबार
मोरङ जिल्ला अदालतबाट दोषी ठहर भएका एक अभियुक्त अदालत पेस गर्ने क्रममा फरार भएका छन् ।
विराटनगर–१३ निवासी ४० वर्षीय विजयशंकर झालाई जिल्ला अदालतले चेक अनादर मुद्दामा सात लाख रूपैयाँ तिर्नुपर्ने ठहर गरेको थियो ।
जिल्ला प्रहरी कार्यालय मोरङका सूचना अधिकारी, डीएसपी कोपिला चुडालका अनुसार झालाई आइतबार मात्रै सुनसरीको दुहबीबाट पक्राउ गरिएको थियो ।
उनलाई सोमबार जिल्ला अदालत मोरङमा उपस्थित गराउने क्रममा अदालत परिसरबाट फरार भएको डीएसपी चुडालले बताइन् ।
अहिले उनको खोजी तीव्र पारिएको प्रहरीले जनाएको छ ।
