३१ असार २०८३, बुधबार
सरकारले भिजिट भिसा प्रकरणमा छानबिन समिति बनाउने निर्णय गरेको छ । सोमबार राति प्रधानमन्त्री निवास बालुवाटारमा सम्पन्न मन्त्रिपरिषद् बैठकले भिजिट भिसा प्रकरणमा छानबिन गर्न पूर्वमुख्यसचिव शंकरदार वैरागीको नेतृत्वमा समिति गठन गर्ने निर्णय भएको एक मन्त्रीले जानकारी दिए ।
छानबिन समितिलाई ९० दिनको कार्यादेश दिने र समितिमा तीन जना सदस्य रहने तय भएको ती मन्त्रीको भनाइ छ ।
भिजिट भिसा प्रकरणमा प्रतिपक्षी दल माओवादीसहितले छानबिन समितिको माग गर्दै आएका थिए ।
यस्तै बैठकबाट बजेटमा उल्लेखित ‘टेक एण्ड पे’ को नीति हटाउने निर्णय समेत भएको ती मन्त्रीको भनाइ छ ।
