२५ जेठ २०८३, सोमबार
वैदेशिक रोजगारीको प्रलोभनमा पारेर लाखौं रूपैयाँ ठगी गरेको आरोपमा दुई जनालाई प्रहरीले पक्राउ गरेको छ ।
पक्राउ पर्नेमा ललितपुर घर भई हाल काठमाडौं महानगरपालिका–१६ मा बसोबास गर्दै आएकी ४३ वर्षीया सजु श्रेष्ठ र पाल्पाको रैनादेवी छहरा गाउँपालिका–६ स्थायी घर भई हाल काठमाडौं महानगरपालिका–२६ मा बस्दै आएका ३० वर्षीय नारायण लाम्ताङ्गे छन्।
श्रेष्ठले सर्विया पठाइदिने भन्दै तीन जनाबाट २० लाख र लाम्ताङ्गेले ग्रीस पठाइदिने प्रलोभन देखाउँदै एक जनाबाट १६ लाख ५० हजार ठगी गरेको भन्दै प्रहरीमा उजुरी परेको थियो ।
पीडितको उजुरीको आधारमा काठमाडौं उपत्यका अपराध अनुसन्धान कार्यालयको टोलीले श्रेष्ठ र लाम्ताङ्गे दुवैलाई मंगलबार काठमाडौं महानगरपालिका–१६ बाट पक्राउ गरेको एसपी काजी कुमार आचार्यले जानकारी दिए ।
उनीहरूलाई थप अनुसन्धानका लागि वैदेशिक रोजगार विभाग, ताहाचल पठाइएको काठमाडौं उपत्यका अपराध अनुसन्धान कार्यालयले जनाएको छ ।
प्रहरीका अनुसार उनीहरूले आकर्षक तलब र सुविधाको प्रलोभन देखाउँदै बेरोजगार युवायुवतीलाई वैदेशिक रोजगारीका लागि विभिन्न देशमा पठाइदिने भन्दै रकम असुली सम्पर्कविहीन भएको उजुरी परेको थियो ।
