२१ असार २०८३, आइतबार
नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'ले भ्रष्टाचारविरुद्ध सशक्त भूमिका खेल्न युवाहरूलाई आह्वान गरेका छन् ।
ललितपुरको बालकुमारी चौरमा 'श्रम र उत्पादनमा वाइसीएल अभियान'को औपचारिक उद्घाटनपछि उनले सरकार यसरी नै भ्रष्टाचारमा लिप्त रहिरहे बाध्य भएर सडकबाटै आन्दोलन गरेर हटाउनु पर्नेसमेत बताए ।
संसद्मा प्रतिपक्षको हैसियतले सरकारको असफलता र भ्रष्टाचार उजागर गर्दै आएको उनको भनाइ थियो । 'यदि सरकार यसरी नै भ्रष्टाचारमा लिप्त रहिरह्यो भने, हामीले बाध्य भएर छिट्टै सडकबाटै आन्दोलन गरेर हटाउनु पर्ने हुन्छ,' उनले भने ।
कार्यक्रममा उनले श्रममा प्रत्यक्ष सहभागी हुँदै इँटा लगाउने, घाँस काट्ने, वृक्षारोपण गर्ने, चौरको सरसफाइ गर्नेजस्ता कार्यहरूमा युवा स्वयंसेवकहरूसँग सहकार्य गरेका थिए ।
कार्यक्रममा माओवादी केन्द्रका युवाहरूको उल्लेखनीय सहभागिता थियो । वाइसीएल नेपालले देशभर ५५ ठाउँबाट अभियान सञ्चालन गरेको जानकारी दिएको छ।
पछिल्लो समय सरकारका एकपछि अर्को मन्त्रीहरू घुस प्रकरणमा मुछिएका छन् ।
