३० असार २०८३, मंगलबार
रुपन्देहीको सिद्धार्थनगर नगरपालिका–५ मा सञ्चालित मार्गदर्शन बहुउद्देश्यीय सहकारी संस्थाका अध्यक्ष अशोक केसीलाई प्रहरीले पक्राउ गरेको छ ।
केसीविरुद्ध शेयरधनी तथा बचतकर्ताको ५ करोड ९० लाख ८४ हजार १६५ रूपैयाँ ६७ पैसा ठगी गरेर फरार भएको आरोप छ ।
उनलाई जिल्ला प्रहरी परिसर भक्तपुरको सहयोगमा जिल्ला प्रहरी कार्यालय रुपन्देहीले भक्तपुर गठ्ठाघरबाट बुधबार नियन्त्रणमा लिएको हो ।
दोलखा मेलुङ गाउँपालिका–६, डाँडाखर्क घर भएका केसीविरुद्ध जिल्ला अदालतले सहकारी ठगी मुद्दामा पक्राउ पुर्जी जारी गरिसकेको थियो ।
२०८१ वैशाख २० देखि केसी फरार रहँदै आएका थिए । रुपन्देही प्रहरीका डीएसपी गणेश सापकोटाका अनुसार पक्राउ परेका केसीलाई जिल्ला अदालत रुपन्देहीबाट म्याद थप अनुमति लिएर अनुसन्धान भइरहेको छ ।
