२२ जेठ २०८३, शुक्रबार
बाजुराको त्रिवेणी नगरपालिका–९ बिस्नापानी भन्ने स्थानमा भिरबाट लडेर मृत्यु भएका व्यक्तिको शव निकालिएको छ । नेपाल प्रहरी र सशस्त्र प्रहरी बलको संयुक्त सुरक्षाफौजले शुक्रवार साँझ शब निकालेको हो ।
काठमाडौँको गोकर्णेश्वर नगरपालिका–५ नारायणटार बस्ने ५२ बर्षिय विप्लव ओझा बडिमालिका मन्दिर दर्शन पश्चात नाटेश्वरी धाम जाने क्रममा बाटोबाट चिप्लिएर करिव ७ सय मिटर तल बिस्नापानी खोल्सामा खसेका थिए । उनी साउन २२ गते राति ८ वजे भिरबाट खसेका थिए ।
घटानाबारे जानकारी पाएपश्चात सशस्त्र प्रहरी बल नेपाल आश्रित गुल्म बाजुराबाट बडिमालिका त्रिवेणी धाममा मेला सुरक्षार्थ खटिएको टोली र नेपाल प्रहरिको सहितको संयुक्त सुरक्षाफौज उद्दारमा परिचाल भएको थियो । थप मद्दतको लागि आश्रित गुल्म बाजुराबाट २३ गते विहान विपद् व्यवस्थापन तालिम प्राप्त सुरक्षा फौज समेत त्यसतर्फ पठाईएको थियो । सोही फौजले खोंचबाट शब निकालेको सशस्त्र प्रहरीले जनाएको छ ।
