२२ असार २०८३, सोमबार
अफगानिस्तानमा बस दुर्घटना हुँदा ७३ जनाको मृत्यु भएको छ । मृत्यु हुनेमा १७ बालबालिका पनि रहेको बीबीसी हिन्दीले जनाएको छ ।
समाचारअनुसार तीमध्ये धेरैजसो इरानबाट उद्धार गरिएका अफगानी आप्रवासीहरू हुन् ।
तालिबानका सूचना तथा संस्कृति निर्देशक अहमदुल्लाह मुत्ताकीले काबुल जाँदै गरेको बसमा आगलागी भएको बताए ।
बसमा रहेका सबैको मृत्यु भएको हो ।
हालैका महिनामा इरानले आफ्नो देशमा द्वन्द्वका कारण भागेका अफगानीहरूलाई निष्कासन गर्ने प्रक्रिया बढाएको छ ।
१९७० को दशकदेखि लाखौं अफगानीहरू इरान र पाकिस्तान भागेका छन् ।
