३० असार २०८३, मंगलबार
रुपन्देही, २८ फागुन– कैलालीमा मेयर ममताप्रसाद चौधरीमाथि गोली प्रहारको घटना भएकै आसपासको समयमा रुपन्देहीमा पनि अर्को गोली प्रहारको घटना भएको छ ।
रुपन्देहीको भैरहवामा व्यवसायीलाई लक्षित गरी गोली प्रहार भएको हो ।
भारतिय मोटरसाईकलमा आएका दुई जनाले सिद्धार्थ उद्योग बाणिज्य संघका कार्यसमति सदस्य हरिष सेठियालाई लक्षित गरी एक राउण्ड गोली प्रहार गरेका हुन् ।
यद्यपी गोली छल्न सफल हुँदा उनी सकुशल छन् ।
रुपन्देहीका प्रहरी प्रमुख श्याम ज्ञवालीले उनलाई भैरहवाको हाटबजार स्थीत सेवा पथमा गोली प्रहार भएको बताए ।
प्रहरीले गोली हान्ने दुई जनामध्ये एक जना भागेको र एक जनालाई स्थानीयको सहयोगमा नियन्त्रणमा लिन सफल भएको जनाएको छ । यस्तै अर्का फरार व्यक्तिको पनि खोजी भइरहेको प्रहरीको भनाई छ ।
