धनगढी, १७ चैत खानेपानी तथा सरसफाई मन्त्री विना मगर क्यासर रोग जाँच अभियान लिएर निर्वाचन क्षेत्र फर्केकी छिन् । 

मन्त्री भएपछि पहिलो पल्ट कञ्चनपुर निर्वाचन क्षेत्र नं. १ फर्किरहेकी मन्त्री मगर सो अभियान लिएर फर्किएकी हुन् । 
आज शनिबार०गेटा विमान स्थलमा आयोजित पत्रकार सम्मेलनमा बोल्दै उनले आफू निर्वाचित क्षेत्रका महिलाहरुलाई लक्षित गरी क्यान्सर जाँच अभियान लिएर आएको बताइन् ।

भरतपुर क्यान्सर अस्पतालको सहयोगमा क्यान्सर पीडित प्रचण्ड पुत्री ज्ञानु दाहाल र पति प्रकाश दाहाल ९प्रचण्ड पुत्र० को सम्झनामा क्यान्सर जाँचको अभियान लिएर आएको जानकारी दिइन् । अभियान अन्तरगत महिलामा हुने पाठेघर र छातीको क्यासरको विशेष जाँच संगै औषधोपचारको प्रबन्ध गर्ने जनाइएको छ ।

आफु प्रदेश नं.७ की छोरी भएकोले प्रदेशको पहिचान संगसंगै बोकेर लिएर आएको पनि उनको भनाई थियो ।

त्यस्तै, उनले आमजनतालाई सरसफाई, स्वच्छ र सफा खानेपानी पुर्‍याउन आफु प्रतिवद्ध रहेको बताइन् ।

संविधानले मौलिक हककै रुपमा ग्यारेन्टी गरेको स्वच्छ र सफा खानेपानीको अधिकार अझैपनि राज्यले पुर्‍याउन नसकेको बताउँदै उनले आफु मन्त्रालयको जिम्मेवारी सम्माले यता कतिवद्ध भएर लागेको उल्लेख गरिन् । साथै उनले अब छिट्टै मेलम्चीको खानेपानी काठमाडौंमा पुर्‍याउने पनि मन्त्री मगरको भनाई थियो ।