२३ जेठ २०८३, शनिबार
काठमाडौं, २५ चैत– भ्रष्टाचार आरोपमा १२ वर्षको जेल सजाय सुनाइएका ब्राजिलका पूर्व राष्ट्रपति लुइज इनासिओ लुला डा सिल्वाले प्रहरी समक्ष आत्मसमर्पण गरेका छन् ।
उनले शनिबार अबेर आत्मसमर्पण गरेका हुन् । सिल्वा शनिबार अबेर आफ्नो कार्यालयबाटै प्रहरीको कारमा चढेर गएका हुन् ।
आफूमाथिको आरोप राजनीतिक रुपमा प्रेरित रहेको भन्दै त्यस विरुद्ध सर्वोच्च अदालतमा अपिल गरेका थिए । तर सर्वोच्च अदालतले सिल्वाले जेल सजाय भोग्नु पर्ने बताएको थियो ।
आउँदो अक्टोबरमा हुने राष्ट्रपति चुनावमा आफूलाई प्रतिस्पर्धा गर्न नदिने योजनाको हिस्सा रहेको उनको भनाई छ । ७२ वर्षका सिल्वा सन् २००३ देखि २०११ सम्म ब्राजिलको राष्ट्रपति थिए ।
