२२ असार २०८३, सोमबार
काठमाडौँ– नेपाल पत्रकार महासंघ प्रतिष्ठान प्रदेश समितिले दिवंगत पत्रकार एवं साहित्यकार यादव थपलियाको परिवारलाई आज रु दुई लाख ९२ हजार २३५ सहयोग रकम हस्तान्तरण गरेको छ ।
कान्तिपुर दैनिकका सहायक वरिष्ठ उपसम्पादक थपलियाको उपचारका क्रममा गत असार १५ गते सिनामंगलस्थित काठमाडौँ मेडिकल कलेजमा अल्पायुमै निधन भएको थियो ।
सो प्रदेश समितिले मातहतका सबै शाखालाई आर्थिक संकलनका लागि गरेको आग्रहअनुसार संकलित रकम आज थपलियाका श्रीमती गंगा खतिवडालाई हस्तान्तरण गरिएको समितिका महासचिव बालकृष्ण अधिकारीले जानकारी दिए ।
श्रीमती खतिवडाले चिकित्सकको लापर्वाहीका कारण आफ्ना श्रीमान्को निधन भएको दाबीसहित काठमाडौँ जिल्ला प्रशासनमा उजुरी दिएकी छन् ।
