२१ असार २०८३, आइतबार
काठमाडौं– फिलिपिन्समा आएको शक्तिशाली आँधी सुपर टाइफुन माङ्गखुतका कारण ठूलो क्षति भएको छ । आँधीका कारण १४ जनाको मृन्यु भएको छ ।
शनिबार निकै शक्तिशाली रुपमा फिलिपिन्सको उत्तरी तटीय क्षेत्रमा ठोक्किएको आँधीका कारण मानवीयसँगै ठूलो भौतिक क्षति भएको हो । आँधीका कारण धेरै बाटो अवरुद्ध भएका छन् भने सञ्चार सञ्जाल प्रभावित भएको छ ।
सञ्चार सम्बन्ध विच्छेद भएकाले ग्रामीण क्षेत्रमा आँधीका कारण भएको क्षतिको विवरण संकलन हुन नसकेको अधिकारीहरुले बताएका छन् । फिलिपिन्सका एक लाख मानिस आँधीबाट जोगिनका लागि अस्थायी सेल्टरमा बसेका छन् ।
