२१ असार २०८३, आइतबार
आमिर खानले पछिल्लो दुई दशकमा फिल्मको सफलतालाई लिएर विशेष पहिचान बनाएका छन् ।
उनी संख्या भन्दा फिल्मको क्वालिटीमा जोड दिन्छन् । साथै फिल्ममा विभिन्न प्रयोग गर्न पनि उनी माहिर छन् । उनको हरेक फिल्ममा एक ‘रिस्क’ हुन्छ । ठग्स अफ हिन्दुस्तानमा बाहेक हरेक फिल्ममा त्यो खतरा सावित भएको थियो । तर ठग्स अफ हिन्दुस्तानमा त्यस्तो देखिएको छैन ।
ठग्स अफ हिन्दुस्तानले एक तर्फ कमाइको रेकर्ड राखेको छ भने अर्को तर्फ फिल्मको कमाइमा पनि भारी गिरावट भइरहेको छ । बक्स अफिसका अनुसार फिल्मले ३ दिनमा १०० करोड पार गरेको छ ।
फिल्मको कमाइको कुरा गर्ने हो भने दुई दिनमा फिल्मले ७० करोड भन्दा धेरै कमाइ गरेको छ । तर पहिलो दिनको तुलनामा दोस्रो दिनको कमाइ आधा घटेको छ ।
पहिलो दिनको कमाइको हिसावमा दोस्रो दिनमा नै फिल्मले १०० करोडको कमाइ पार गर्ने अनुमान गरिएको थियो तर त्यसो हुन सकेन ।
पहिलो दिन ५०.७५ करोड कमाइ गरेको फिल्मले दोस्रो दिन २८.२५ करोड मात्र कमाइ गरेको छ । हिन्दी भाषामा फिल्मको दुई दिनको कुल कमाइ ७९ करोड र अन्य भाषाको समेत गर्दा ८१.५० करोड कमाइ भएको छ ।
२५० करोडको बजेटमा बनेको फिल्म ५ हजार स्क्रिनमा चलेको छ । यो फिल्मले तेस्रो दिन सम्मा १०० करोड कमाएको बताइएको छ ।
फिल्मका लागि तेस्रो र चौथो दिन निकै महत्वपूर्ण सावित हुनेवाला छ । किनकी अर्को कुनै फिल्म यस बीचमा रिलिज भएको छ । विस्लेषक तरुण आदर्शका अनुसार यदी फिल्मले शुरुका पाँच दिन राम्रो कमाइ गरेको खण्डमा आफ्नो लगानी उठाउन सक्नेछ ।
