काठमाडौं, फागुन २१–राजधानीको स्वयम्भूस्थित भगवान पाउमा शनिबार दिउसो अपहरणकारीले प्रहरीमाथि फायर गरेसँगै प्रहरीले पनि जवाफी फायरिङ गरेको छ ।
सो क्रममा प्रहरीको गोली लागेर  अपहरणकारी दुर्गा  तामाङ घाइते भएका छन् ।
केहि दिनअघि राजधानीको बौद्धबाट अपहरणमा परेका तीन जनालाई छुटाउने क्रममा सो घटना भएको हो ।
महानगरीय अपराध महाशाखाको टोलीले अपहरणकारीलाई घेरा हालेर समात्ने क्रममा अपहरणकारीले गोली प्रहार परेपछि प्रहरीले पनि जवाफी फायरिङ गरेको दुर्गा अपराध महाशाखाका प्रमुख एसएसपी दिनेश आमात्यले जानकारी दिए ।
अपहरणमा परेकाबाट अपहरणकारीले ६ लाख फिरौती बुझ्नै लाग्दा सो घटना हुन पुगेको थियो ।