काठमाडौं, २६ फागुन–राष्ट्रिय मानव अधिकार आयोगकी सदस्य मोहना अन्सारीको गाडी सप्तरीमा तोडफोड भएको छ ।
अन्सारी चढेको बा ७ च ७४७९ नम्बरको गाडी मार्चाका कार्यकर्ता तथा पीडितका आफन्तले ढुंगामुढा गरेका हुन् ।
सोमबार एमालेको मेची–महाकाली अभियान विथोल्न खोज्ने ४ जना मोर्चाका कार्यकता प्रहरीको गोलीले मारिएपछि अनुगमनका लागि पुगेको राष्ट्रिय मानव अधिकार आयोगको टोलीमाथि पीडितका आफन्तले आक्रमण गरेको आयोगको विराटनगर क्षेत्रिय प्रमुख झंकरबहादुर रावलले लोकान्तरलाई जानकारी दिए ।
मोर्चाका कार्यकर्ता तोडफोडमा उत्रिएपछि प्रहरीले सुरक्षा दिएको थियो ।
त्यस्तै सप्तरीमा मधेशी मोर्चाका कार्यकर्ताले भूमिसुधार कार्यालयको भवनमा आगजनी गरेका छन् । आगजनीबाट भवनमा सामान्य क्षति पुगेको छ ।
