२१ असार २०८३, आइतबार
काठमाडौं– प्रधानमन्त्री केपी शर्मा ओलीले कुनै सरकारले वर्षदिन पूरा गर्नु नेपालका लागि अचम्म भएपनि वर्तमान सरकार पाँच वर्ष आरामसँग चल्ने बताएका छन् ।
बिहीवार काठमाडौंमा प्रधानमन्त्री रोजगार कार्यक्रमको घोषणा कार्यक्रमलाई सम्बोधन गर्दै प्रधानमन्त्री ओलीले सरकारले आरामसँग पाँच वर्ष पूरा गर्ने बताएका हुन् ।
‘पर्सी सरकारको एकवर्ष पूरा हुँदैछ । सरकारको वर्षदिन पूरा हुनु नेपालका लागि अचम्म जस्तो लाग्छ । अब सरकार, पाँच वर्ष आरामसँग जान्छ, बहुमतको स्थिर सरकार पनि छ,’ ओलीले भने ।
प्रधानमन्त्री ओलीले सरकारको कामलाई भैंसी मर्ला र खाउाला भन्ने प्रवृत्तिसँग तुलना गरे ।
‘एउटा भैंसी हेरेर एउटा जीवले भन्छ, भैसी मरेदेखि खान्थें । हेर्दा हेर्दै भैंसी ब्यायो । पाडो पायो र पाल्नेले दूध खायो । मर्ला र खाउँला भनेर कुर्नेले यही दिन देख्न पर्ला भनेर बाँचेको थिए, आजसम्म, कुन दिन देख्नु पर्यो,’
ओलीले अगाडि भने, 'भैंसीका लागि पाडाका लागि देख्न खोजेको यही हो । आज नेपाली जनताले देख्न खोजेको दिन यही हो ।’
ओलीले नेपाल हरेक दिन एक कदम अगाडि बढिरहेको दाबी समेत गरे ।
