२९ असार २०८३, सोमबार
काठमाडौं– नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले ताप्लेजुङमा हेलिकप्टर दुर्घटनाका मृतकका परिवारलाई भेट गरेका छन् । संस्कृति, पर्यटन तथा नागरिक उड्डयनमन्त्री रवीन्द्र अधिकारीका परिवार सहित अन्य मृतकका परिवारलाई अध्यक्ष प्रचण्डले बिहीबार विहान भेटेका हुन् ।
उनले मन्त्री अधिकारीका बुबा, आमा र श्रीमतीलाई मन्त्री निवास हरिहरभवनमा भेट गरे । यस्तै पर्यटन व्यवसायी आङछिरिङ शेर्पा, नेपाल उड्डयन प्राधिकरणका उपमहानिर्देशक वीरेन्द्र प्रसाद श्रेष्ठ, नेपाल सरकारका उपसचिव युवराज दाहालको परिवारजनलाई भेटी समवेदना दिएको प्रचण्डको सचिवालयले जनाएको छ ।
मन्त्री अधिकारीको मृत्य भएपछि उनका बुबाआमा पोखरबाट काठमाडौं आएका हुन् । बाबु अझै अर्धचेत अवस्थामा रहेको बताइएको छ । बुधबार ताप्लेजुङमा भएको हेलिकप्टर दुर्घटनामा पर्यटनमन्त्री अधिकारीसहित ७ जनाको मृत्यु भएको थियो ।
तस्वीर - प्रचण्डकाे सचिवालय
