२२ जेठ २०८३, शुक्रबार
काठमाडौं – सन् २०१४ को आमनिर्वाचनमा चायवाला शब्दलाई प्रसिद्ध बनाएका भारतका प्रधानमन्त्री नरेन्द्र मोदीले आउन लागेको चुनावमा चौकीदार शब्द लोकप्रिय बनाउन खोजेका छन् ।
आमसभाहरूमा आफूलाई देशको चौकीदारका रूपमा चिनाउने मोदीले शनिवार 'मैं भी चौकीदार' शीर्षकमा एक भिडियो जारी गरेका थिए ।
आज चाहिँ उनले ट्विटरमा नाम परिवर्तन गरेर चौकीदार शब्द जोडेका छन् ।
उनकै सिको गर्दै भारतीय जनता पार्टीका ठूला नेताहरूले पनि आफ्नो नामका अगाडि चौकीदार शब्द जोडेका छन् । अध्यक्ष अमित शाह, रेलमन्त्री पीयूष गोयल लगायतले शब्द जोडेका हुन् ।
उता विपक्षी कांग्रेस पार्टीले चाहिँ 'चौकीदार चोर है' भन्ने नारा बनाएर मोदीलाई घेर्ने कोशिश गरिरहेको छ ।
