२१ जेठ २०८३, बिहीबार
काठमाडौं– नेपाल सरकारले अब भारत सरकारबाट सोझै (जीटुजी) मल खरिद गर्न सक्ने भएको छ । गत सोमवार बसेको मन्त्रीपरिषदको बैठकले भारत सरकारबाट नेपाल सरकारले सोझै मल खरिद गर्न स्वीकृति दिएसँगै नेपाल सरकारले भारत सरकारबाट सोझै मल खरिद गर्न सक्ने भएको हो ।
मन्त्रीपरिषदको बैठकको निर्णय बारे जानकारी दिँदै सञ्चार तथा सुचना प्रविधि मन्त्री गोकुल प्रसाद बास्कोटाले जीटुजी मल खरिदका स्वीृकति दिइएको जानकारी दिए । ‘जीटुजी मल खरिद गर्न स्वीकृति दिइएको छ’ मन्त्री बाँस्कोटाले भने, ‘नेपाल सरकारले भारत सरकारसँग युरिया र डिएपि मल गर्ने छ, ।’
कृषि तथा पशुपञ्छि विकास मन्त्रालयका अनुसार बर्खेबाली धानका लागि ५० हजार मेट्रिक टन मलको अभाव हुने देखिएको छ । २० हजार मेट्रिक टन डिएपि र ३० हजार मेट्रिक टन युरियाको कमी हुने कृषि तथा पशुपञ्छि विकास मन्त्रालयको तथ्यांक छ ।
यसअघि सरकारी अनुदानमा किसानलाई उपलब्ध गराउन कृषि सामाग्री कम्पनी लिमिटेड र साल्ट ट्रेडिङ कर्पोरेसनमार्फत् मल खरिद गर्दै आएको थियो ।
यसअघि मल खरिदका लागि आर्थिक अभाव भएको भन्दै कृषि तथा पशुपञ्छि विकास मन्त्रालयले अर्थ मन्त्रालयसँग बजेट माग गरेको र अर्थले बजेट उपलब्ध नगराएको कृषिका अधिकारीहरु बताउँछन् ।
